Бұл туралы Ділназ Gakku FM радиосына берген сұхбатында айтқан, деп хабарлайды Stan.kz.
“Сүйікті адамым бар, бірақ отбасылы. Әйелі, балалары бар, сондықтан да бірге бола алмаймыз. Жалпы басталмай жатып аяқталатын хикаялар болады, менікі сондай хикая. Шынайы ғашық болдым. Бірақ ол адамды өз жайына қалдырдым, бағыма орай ол да мені ұстамады. Барлығы өзімнің ақылымның арқасында деп ойлаймын. Өмірлік ұстанымым: Менікі болмаса, демек оған таласпаймын. Ғашық болдым екен деп ондай құрбандыққа бармаймын”, – деп мәлімдеді Ділназ.
Бұдан бөлек, әнші барша аруларға өз кеңесін айтты: “Қыздар, тоқал болуға келіспеңіздер, жалғыз болыңыздар. Біреудің отбасын бұзуға болмайды, себебі оның арты жақсылыққа апармайды”, – дейді Ахмадиева.