Сыздықов теміржолшыларға уәдені үйіп төкті

Әділетті әлеуметтік қоғамды аңсаушы Тұрғын Сыздықов тұғырнамасын арқалап, Ақмола облысын аралап жүр. Кандидат бүгін Щучинскідегі депо қызметкерлерімен жүздесті. Ал оңтүстікте оның штабы насихат шарасын өткеріп жатыр.

Сондай таныстырудың бірі — Қызылорда облысында жасалынуда. Мұнда Қазақстан халықтық коммунистік партиясының штабы насихат парақшаларын таратып, кандидат тұрғырнамасының негізі — бейбітшілік, адамгершілік және интернациализм тақырыптарын сайлаушылармен талқылап шықты. Әсіресе, жастарға батыстың бассыз әрекеттеріне еліктемеуге үндеу жасалып жатыр. Тұрғын Сыздықовтың өзі бүгінге дейін жеке 7 облыстың жұртымен жүздесіп үлгеріпті.

</br>