Таиланд сыртқы істер министрі ресми сапармен Қазақстанға келеді

20-22-қазанда Таиланд Корольдігінің сыртқы істер министрі Суракиарта Сатиратая ресми сапармен Қазақстанға келеді. Бұл туралы KZ-today тілшісіне ҚР СІМ-нің баспасөз қызметінен хабарлады.

Таиланд сыртқы істер министрі Қазақстан президенті Нұрсұлтан Назарбаев, үкімет басшысы Даниал Ахметов, ҚР СІМ Қасымжомарт Тоқаевпен кездесіп, Алматыда өтетін Азиядағы өзара ықпалдастық және сенім шаралары жөніндегі кеңес ұйымына мүше елдердің министрлерінің бас қосуына қатысады.

Сондай-ақ, Таиланд сыртқы істер министрі Астанада президенттің мәдени орталығы мен «Астана бас жоспары» ҚКК-ін, Алматыда Қастеев атындағы өнер мұражайы мен «Медеу» және «Шымбұлақ» кешендерін аралайды.