«Такси тұрағына диспетчер ретінде де жұмысқа алмады. Оның үстіне, бір балам сырқат. Ондай адам кімге керек», – дейді Жанна Бакенова.
Соған қарамастан Жанна тапсырыспен нәски, қолғап тоқиды екен. Арасында пәтер ішіндегі жөндеу жұмыстарын істейді.
Балалар үйінде өскен келіншек ауруханаға 2010 жылы түсіпті. Жаяу жүргінші жолағынан өте бергенде оны автобус қағып кеткен. Салдарынан бас-ми жарақатын алып, аяғы сынған. Ақырында 2018 жылы дәрігерлер бір аяғын кесіп тастаған.
Қазір ол ресми түрде еш жерде жұмыс істемейді. Қолында 6 жасар ұлы мен 17 жастағы қызы бар. Қызы екеуіне алатын мүгедектік жәрдемақысы – 80 мың теңге. Олар сол ақшаға күн көріп отыр.