Таксиге ақы төлегісі келмеген жігіттер жүргізушінің шекесіне пышақ қадап кетті

Шуы мен шытырманы таусылмайтын Шымкентте жан түршігерлік оқиға орын алды. Таксиде жолақысын төлегісі келмеген жігіттер жүргізушінің шекесіне пышақ қадап кетіпті.

Жолшыбай такси тоқтатқан екі жас жігіт қала шетіндегі Қайтпас ықшамауданына жеткізіп тастауды сұрапты. Айтқан жерлеріне жеткен соң ақшасын төлеуден бас тартып, жүргізушінің алдымен қолына пышақ сұғап алып, сосын суық қаруды маңдайына қадап тастапты. Оқиға орнына келген дәрігерлер осынау жарақатымен жүргізушінің жедел жәрдем шақыруға қалай шамасы келгеніне аң-таң.