Осыған байланысты Қайрат Нұртастың жүргізушісі жазаланғаны белгілі болды.
Құқық қорғау органдарының қызметкерлері әнші отырған Mercedes-Benz жүргізушісін тапты. Олар сондай-ақ оның Талдықорғанда жол қозғалысы ережелерін бұзғанын растады.
"Іздестіру іс-шаралары барысында 45 жастағы автокөлік жүргізушісі Алматы аумағында ұсталып, ҚР ӘҚБтК − нің "жол белгілерімен белгіленген талаптарды сақтамау" бабы бойынша әкімшілік жауапкершілікке тартылды", — деп түсіндірді ПД.
Сондай-ақ, тәртіп сақшылары азаматтарға белсенді азаматтық ұстанымын көрсетіп, құқық бұзушылықтарға төзбеушілігі және құқықтық тәртіп органдарына жәрдемдескені үшін алғыс білдірді.