Астананың 14 жылдығын мерекелеу кезінде әйгілі киноконцертті астаналық Конгресс-Холл сарайының сахнасынан тамашалай аласыздар. Бұл туралы «Бәйтерек» медиа-орталығы хабарлайды.
Киноконцертте Тайлақтың рөлін сомдаушы камералық хор әншісі Расул Нөгербековтің айтуынша, бұрын «Тақиялы періште» фильмін көргенде Әлімғазы ағаға ұқсағысы келеді екен. Сондықтан Тайлақты сол кісідей сомдауды армандайтынын жасырмады. «Менің арманым орындалды деп ойлаймын», — дейді ол.
Ал атақты фильмде Тайлақтың рөлін сомдаған актер Әлімғазы Райымбекұлы концертті қатты ұнатқанын айтып, ұйымдастырушыларға алғысын білдіруде.
