Бұл ойын 3:0 есебімен тараздықтардың жеңісімен аяқталды. Бірінші боп Шерхан Бауыржан есеп ашты. Одан кейін Иван Перич пен оның оның орнына шыққан Ерзат Кенбаев мергендік танытты.
«Тараз» Қазақстан Премьер лигасында өткен маусымда 9-орын алса, Крагувац қаласының «Раднички» клубы Сербияның бірінші лигасында 4-орында келе жатыр. Крагувацтықтардың 1923 жылы құрылған бұл командасы 2009/2010 жылғы маусымда Батыс лигасында 1-орын алған еді.
Бастапқыда тараздықтар Ягодина қаласының «Ягодина» клубымен кездеседі деп жоспарланған болатын. 1919 жылы негізі қаланған «Ягодина» футболшылары Сербия суперлигасында 2010/2011 жылғы маусымда 12-орын алған еді. Енді «Тараз» келесі кездесуін 19-ақпанда Ресейдің «Химки» командасымен өткізбек. Химки қаласының 1996 жылы құрылған бұл командасы Ресейдің бірінші дивизионында соңғы маусымда 13-орын алды. Олар бұған дейін 2004/2005 жылғы маусымда Ресей кубогының финалисі, ал 2006 жылы Бірінші дивизонда жеңімпаз атанған болатын.
