Таразда бүгін Балалар күніне арналған бұқаралық іс-шаралар өтеді

деп хабарлады қала әкімінің баспасөз қызметінен.

«Достық» орталық алаңында асфальтқа салынған балалар суреттерінің конкурсы өтсе, Тұңғыш Президент саябағының амфитеатрында балалар шығармашылығының «Айгөлек» қалалық конкурсының гала-концерті болады.

«Қарасу» ықшамауданында балалардың жаңа аула клубы ашылса, «Дельфин» бассейнінде қалалық әкімдік пен еврей этномәдени орталығының ұйымдастыруымен жүзуден жарыс өтеді. Ал қалалық Мәдениет үйінде мүгедек балаларға арналған қайырымдылық шарасы ұйымдастырылады. Бүгін сондай-ақ, «Баласағұн» концерт залында елордалық цирк өнер көрсетеді.