Тәртіп сақшылары Қаскелең тұрғынынан 60 кило марихуана тәркіледі

Алматы облысы Қаскелең қаласындағы бір үйдің мал қорасынан тәртіп сақшылары 60 кило марихуана тапты. Бұл туралы KZ-today тілшісіне Алматы облыстық ІІБ-ның баспасөз қызметінен хабарлады.

Баспасөз қызметінің хабарлауынша, облыстық ІІБ-ның ұйымдасқан қылмыспен күрес бөлімінің қызметкерлері екі сөмкеге салынған төрт бума марихуана тауып алды.

Тергеу барысында есірткінің иесі — 28 жастағы Қаскелең тұрғыны екені және оның бұрын да істі болғаны анықталды. Тергеу барысында ол есірткіні тұтыну үшін Алматыдағы «Тастақ» базарынан сатып алғанын хабарлаған.
Тұтқын Қарасай аудандық ІІБ-ның уақытша тергеу қапасына қамалды. Оның үстінен қылмыстық іс қозғалып, тергеу амалдары жүргізілуде.