Тәжікстан Республикасындағы еліміздің жаңа елшісі тағайындалды

Елбасы Нұрсұлтан Назарбаевтың жарлығымен Қазақстан Республикасының Тәжікстандағы жаңа елшісі тағайындалды. Бұл туралы KZ-today тілшісіне ҚР президенті әкімшілігінің баспасөз қызметінен хабарлады.

Жарлыққа сәйкес Қазақстан Республикасының Тәжікстандағы төтенше және өкілетті елшісі болып Ерлан Әбілдаев тағайындалды.

Ерлан Әбілдаев бұған дейін үкіметте, соның ішінде сыртқы істер министрлігінің жүйесінде жұмыс істеді. Ол ҚР СІМ-нің Еуропа және Америкалық департаментіне жетекшілік етті. Сондай-ақ, индустрия және сауда министрлігінің инвестиция жөніндегі комитетін басқарды.