Жақында Душанбеде «Сот жүйесінің Орталық Азия елдеріндегі коммерциялық құқыққа қатысты әлеуетін дамыту» деген тақырыпта өткен халықаралық конференцияда осындай ұсыныс айтылды, деп хабарлады Қазақстан Республикасы Жоғарғы сотының баспасөз қызметінен.
Бұл ынтымақтастықтың аясында Қазақстанның Жоғарғы сотында тәжік судьяларының тағлымдамасын ұйымдастыру мүмкіндігі қаралуда.
Конференция жұмысына Тәжікстан, Моңғолия, Қырғызстан, Ресей елдерінің судьялары, сондай-ақ халықаралық ұйымдар мен бизнес-құрылымдардың, адвокатураның және т.б. ұйымдардың өкілдері қатысты. Жиынға Қазақстанның атынан қатысқан судья Ұлбосын Сүлейменова ҚР Жоғарғы сот төрағасының конференцияға қатысушыларға жолдаған құттықтауын оқып берді және «Қазақстандағы сот білімі» тақырыбында таныстырылым өткізді.
