Қорғантөбе қаласынан ұшып шыққан "Боинг-737/400" Қызылордаға сағат 7:38-де жанармай құюға қонуы тиіс болатын. Бұл туралы облыстық әкімдік таратқан бүгінгі хабарламада мәлімделген.
Алайда бұл уақытта Қызылорда әуежайына ұшақ қозғалтөыштарының бірінде жанармай қысымының арту салдарынан ақау туындағаны туралы мәлімет келіп түскен.
Қажетті шаралар қабылданып, ұшақ әуежайға сәтті келіп қонды.
Бортта болған 165 жолаушы зардап шеккен жоқ. Олар «Қорқыт Ата» әуежайы ғимаратына және қалалық қонақүйге орналастырылды. Оларға барлық жағдай жасалды.
Ақауды жөндеу үшін Тәжікстаннан инженер-механиктер шақырылған. Жолаушыларды Мәскеуге басқа ұшақ алып кеткен.