— Целый час смотрю эти друг за другом только ходят с одним шлангом, че такое. Пожарники не работали, ходят как сарай какой-то тушат.
Таң алакеуімнен тұтанған тілсіз жау ғимараттың 1-қабатынан басталыпты. Өрт жайында хабар берген орталық жұмыскерін құтқарушылар ғимараттың екінші қабатынының терезесінен шығарып алды. Түтінге тұншыққан ол ауруханаға жөнелтілген. Ал өртті ауыздықтауға 60-қа жуық өрт сөндіруші мен 14 техника жұмылдырылды. Тауарларына алаңдаған саудагерлерді өткізбеу үшін орталықты полиция қызметкерлері де қоршауға алды. 400 шаршы метрді шарпыған отпен 5 сағат арпалысқан өрт сөндірушілер түтінге тұншықтық деп ақталды.
Сергей Коваленко, Қарағанды облыстық ТЖД өртке қарсы қызмет басқармасының бастығы:
— Киім-кешек пен тұрмыстық техника жанғанда жағдай ауырлап кетеді. Ештеңе көрінбейді және түтіні өте улы. Сондықтан барымызды салдық.