Бұл ақпаратты ҚР ТЖМ баспасөз қызметі таратып отыр.
Төтенше оқиға сәрсенбі күні кешкі сағат 19:52-де Теміртау қаласының 8-ші ықшамаудандағы 30-шы үйдің 19-шы пәтерінде орын алған. ТЖМ мәліметтеріне сәйкес, қызыл жалын шарпыған аумақ 20 шаршы метрді құрады.
«Өртті ауыздықтауға ҚР ТЖМ Қарағанды облыстық төтенше жағдайлар департаменті өрт сөндіру қызметінің жеке құрамындағы 15 маман мен 4 техника жұмылдырылды. Қызыл жалын сағат 20:38-де ауыздықталды. Ауаға тараған көгілдір отынның тұтануынан пайда болған өрт пәтерді шарпыған», — делінген ведомство ақпаратында.