Петр мен Ольга Фигелер өткен жылы ғана отасқандарына 20 жыл толған мерекесін бала шағасымен 16 жан боп атап өткен. Енді 7 ұл, 7 қыз бар үлкен отбасындағы тепе-теңдікті бұзып, өмірге қыз бала Аника дүиеге келді. Дәрігерлер сәбидің денсаулығы өте жақсы екенін айтқан. Қазір үбірлі -шүбірлі отбасы бұрынғыдай баспанада таршылық көріп жүрген жоқ. Себебі осыдан 5 жыл бұрын 13 баласы бар отбасын қала билігі бос тұрған балабақша ғимаратына осындай 4 отбасымен қоса жеке-жеке қоныстандырған екен. Беделді фирмада қызмет ететін отағасы ешкімге алақан жаймай, табысын бала-шағасына жеткізіп келеді. Діни-наным сенімге бой ұрған отбасы Құдай сәбимен қоса оның несібесін де береді дейді.
Ольга Фиге, көпбалалы ана:
— Құдайдың берген баласын ала береміз. Өйткені бала өмірдің мәні мен сәні. Одан бас тарту үлкен күнә. Денсаулығым жеткенше бала туудан қашпаймын.