ТМД елдері мерзімді басылым және кітап шығару саласы бойынша ынтымақтастық мәселелерін талқылайды

16-17-маусымда Мәскеуде ТМД елдері мемлекетаралық кеңесінің мерзімді басылым, кітап шығару, кітап тарату және баспагерлік салаларындағы ынтымақтастық мәселесіне арналған отырысы өтеді. Бұл туралы KZ-today тілшісіне ТМД Атқару комитетінің баспасөз қызметі таратқан хабарламадан мәлім болды.

Жиында ТМД-ға қатысушы елдер арасында баспа өнімдері айырбасына қолайлы жағдайлар жасау туралы келісім мен ТМД елдері арасындағы гуманитарлық ынтымақтастық туралы келісімдердің жобасы қаралады деп күтілуде.

Сонымен бірге жиынға қатысушылар ТМД-ға қатысушы елдер арасындағы «Кітап өнері» атты бірінші халықаралық байқаудың қорытындысы мен Мәскеуде өтетін ХҮІІІ халықаралық кітап көрме-жәрмеңкесі аясында екінші байқауды өткізу тәртіптерін талқылайды.