ТМД елдерінің еркін сауда аймағы 2005-жылы құрылуы мүмкін - Украина үкімет басшысы

"ТМД елдерінің еркін сауда аймағын құру - таяу уақыттарда шешілетін мәселе". Бұл туралы бүгін, 15-қыркүйекте ТМД үкімет басшыларының кеңесі отырысының қорытындысы бойынша Астанада өткен баспасөз мәслихатында Украина үкімет басшысы Виктор Янукович хабарлады.

Украина үкімет басшысының пікірінше, «Ресейдің Қосалқы құн салығын тауар жіберілетін елде алу жөнінде бірегей шешім қабылдауының нәтижесінде еркін сауда аймағын таяу уақыттарда құруға үлкен мүмкіндіктер туғызды». Украина үкімет басшысының пікірінше, ТМД елдерінің еркін сауда аймағын 2005-жылы құруға мүмкіндік бар.

В.Януковичтің айтуынша, Украина ТМД елдерінің ақпараттық-талдау орталығын құруды ұсынып отыр. Ол «еркін сауда аймағын құруға бағытталған нақты тетіктерді айқындауы тиіс».