ТМД сарапшылары Минск қаласында бас қосып, Достастық елдеріндегі есірткі заттарының үлгілерін бір-біріне беру тәртіптері туралы келісімнің жобасын келіспекші

24-26-тамызда Минскде өтетін сарапшылар тобының отырысы барысында ТМД-ға қатысушы елдердің қауіпсіздік мекемелері мен арнаулы қызметтері жетекшілерінің кеңесі тарапынан ұсынылған ТМД елдеріндегі есірткі заттарының үлгілерін бір-біріне беру тәртіптері туралы келісімнің жобасы келісіледі деп күтілуде. Бұл туралы KZ-today тілшісіне ТМД Атқару комитетінің баспасөз қызметінен хабарлады.

Сондай-ақ, отырыс барысында сарапшылар ТМД-ға қатысушы елдердің жарылғыш заттар, оқ-дәрілер мен қару-жарақты таңбалауы туралы біртұтас ақпараттық жүйе құру тұжырымдамасының жобасын келіспекші.