Бұл туралы Caravan.kz медиа порталы хабарлайды.
”Қатты масштабқа шығып алайыншы деп тойдың әнін айтсам маған жараспайтын сияқты. Ондай әндерді мен жазып та көрдім. Сосын мен тойда ән айтқанды жек көремін. Өзіміздің туысқандардың тойларында жүремін. Бірақ, қатты қысыламын”, — деді әнші.
Ардақ Балажанова не себепті танымал әнші болмағаны туралы да айтып берді.
”Әр адамның маңдайына жазылған тағдыры бар. Танымал болу үшін ұяң емес, барлығымен араласқыш болу керек те шығар. Мүмкін продюсер керек шығар, білмеймін. Бірақ бұрынғы кездерде мен шынымен ұяңдау болдым. Соңғы кездерде олай емес сияқты. “Мен неге танымал емеспін” деп ешқашан ренжіп көрмеппін. Соның артына түспеппін”, — деді Ардақ Балажанова.