Фестиваль қонақтарының назарына 2013-2014 жылдар аралығында грузиялық және шетелдік аниматорлар жасаған үздік мультипликациялық ленталар таныстырылады. Фестиваль 6-11 қазан аралығында өтеді. Оның мақсаты — Грузияда анимациялық жанрдың дамуына септесіп, шетелдік әріптестермен жаңа байланыстар орнату.
Фестиваль жеңімпаздары 7 аталым бойынша анықталады, атап айтқанда, «Үздік балалар фильмі», «Ересектерге арналған үздік фильм», «Үздік дебют», «Үздік телехикая», «Үздік эксперименталды фильм», «Балалар түсірген үздік фильм», «Үздік студенттік фильм» аталымдары бойынша гран-при табысталады. Байқау номинацияларындағы жеңімпаздарды халықаралық төрешілер анықтайды, ал балалар түсірген үздік фильмді балалар төрешілері таңдайды.
Грузияның анимацияны дамыту қорымен ұйымдастырылған фестиваль осы елдің ескерткіштерді қорғау және мәдениет министрлігінің қолдауымен өтеді, деп хабарлады ИТАР-ТАСС.
