Бұл туралы «Немолчи» қоры желіде жазды, деп хабарлайды Caravan.kz медиа порталы.
«Жайсыз жаңалығымыз бар…
Теміртаулық Зәурештің ұлы Ұланды төрт ересек адам соққыға жыққан. Олар оның досын да ұрып-соққан. Екі жасөспірім ешкімге соқтықпай өз беттерінше келе жатқан, кішкентай балалары бар бұл төрт жігіт оларға килігіп, қазақша сөйлемегендерің үшін деп ұрып-соға бастаған.
Біз мұны бұрын 15 жастағы Ұлан жарақат алған құрылыс компаниясына қатысты қозғалған қылмыстық іспен тікелей байланыстырып отырмыз. Біздің күдігімізді негізсіз емес деп санаймыз.
Зәурештің құрылыс компаниясының жауапкершілігіне қатысты видео үндеуінен кейін оған әкімдіктен телефон соғып, құрылысқа кеткен шығынды толық төлегендерін және өткен күні ғана моральдық шығынды толық төлейтіндерін айтқан.
Бірақ шағымнан кейін бірнеше күн өткен соң Ұланды төрт ересек адам басындағы онсыз да жазылмайтын жарасынан ұрып-соққан. Оның досы да жарақат алған.
Қарағанды облысының полиция басшылығынан құрылыс компаниясына шұғыл шара қолдануды сұраймыз, қылмыстық істің қайта қозғалуын, екі қылмысқа да кінәлілерді жазалауды талап етеміз.
16 жасар бала қысқа ғұмырында екі рет зардап шекті, ешкім жазасыз қалмайды деп үміттенеміз!»,- деп жазды «Немолчиkz»
Еске салсақ, Теміртаудың құрылыс алаңында зардап шеккен жасөспірімнің анасы ел президенті Қасым-Жомарт Тоқаевқа бейнеүндеу жолдаған болатын. Әйелдің айтуынша, қанша тырысқанымен, ұлын жарақаттау фактісі бойынша қылмыстық іс жабылыпты. Салынып жатқан үйдің екінші қабатынан құлаған Ұланға желке сүйегінің сынуы диагнозы қойылып, мидың екі жарты шарында қан кеткен.