Бұл туралы Caravan.kz медиа порталы Sputnik.kz-ке сілтеме жасап хабарлайды.
АҚШ президенті Дональд Трамп Конституциядағы «саңылаудың» арқасында 2037 жылға дейін билікте бола алады, деп жазды Daily Mail.
АҚШ-та бір адам екі мерзімнен артық президент бола алмайды. Алайда АҚШ Конституциясындағы 22-ші түзетуде олқылық бар: жаңа президенттің отставкаға кетуіне немесе қайтыс болуына байланысты бұрын екі рет сайланған мемлекет басшысының билікке оралуына тыйым салатын регламент жоқ, деп жазды британиялық таблоид.
Яғни, Трамп вице-президенттікке үміткер бола алады, ал АҚШ-тың қазіргі вице-президенті Вэнс президенттікке үміткерлер тізімінде бірінші орынға шығады.
Ант бергеннен кейін Вэнс отставкаға кетуі мүмкін, бұл оның вице-президенті Трампқа президент болуға мүмкіндік береді.