12 ақпанда ашылатын «Акварель қырлары» көрмесі бейнелеу өнеріндегі ең нәзік те күрделі, сонымен қатар аса әсерлі техникалардың бірі — акварельмен жұмыс істейтін заманауи суретшілердің туындыларын біріктіреді. Көрменің мақсаты – алғашқы жылдарында қалыптасқан суретшілердің шығармашылығын елдің көркем мұрасының ажырамас бөлігі ретінде көпшілікке ұсыну.
Экспозицияға 2018-2026 жылдар аралығында дүниеге келген 75 туынды енгізілген. Көрмеде акварель өнерінің көрнекті өкілдері Мария Сороковская, Елена Иоктон, Мәдина Базархан және Лизавета Антропованың еңбектері ұсынылады. Әрқайсысы түрлі көркемдік мектептер мен мәдени ортадан шыққанымен, оларды акварельді көркем ойды толық жеткізетін дербес шығармашылық формасы ретінде қабылдауы біріктіреді.
Көрменің ашылу күні қонақтар үшін мазмұнды мәдени бағдарлама әзірленген. Сағат 13:00-ден бастап музейде шебердің дәрісі ұйымдастырылып, 15:00-де салтанатты ашылу рәсімі өтеді. Ресми бөлімнен кейін көрермендер экспозициямен авторлық экскурсия аясында таныса алады.
Жоба Тұңғыш Президент музейінің «Диалог өнері» атты көрме бағдарламасы шеңберінде жүзеге асырылып отыр.