"ТұранӘлемБанкі" басқармаларының төрағасы абайсызда өлтіріп алу салдарынан өмірден озды деп бағалануда

"ТұранӘлемБанкі" басқармаларының төрағасы Ержан Тәтішевтің қаза табу дерегі бойынша ҚР Қылмыстық істер кодексінің "Абайсызда өлімге душар ету" жөніндегі 101-бабы, 1-тармағы бойынша қылмыстық іс қозғалды. Бұл туралы KZ-today тілшісіне Жамбыл облыстық ІІББ бастығының бірінші орынбасары Николай Баранов хабарлады.

Н.Барановтың айтуынша, зардап шегуші өз серіктесіне мылтықты беріп жатқан кезде оқ атылған. Н.Барановтың болжауынша, мылтықты қолдан-қолға беріп жатқан сәтте шүріппесі басылып кеткенге ұқсайды.

Қазір тергеу амалдары одан әрі жалғасып, қайғылы оқиғаның дәл қалай белең алғаны анықталу үстінде. Алматыдағы бір фирманың менеджері болып табылатын Е.Тәтішевтің досы әрі серіктесі қазір полиция сұрақтарына жауап беруде. Оған қатысты қандайбір шара қолданылған жоқ.