Түркістан облысында 951 мектеп бар. Оның ішінде 814 мектеп ауылда орналасқан. Облыс бойынша мектептерде 508 637 оқушы білім алып жатыр, деп хабарлайды Caravan.kz медиа порталы Halyq Uni-не сілтеме жасап.
2022-2023 оқу жылына 1-сыныпқа 54 570 оқушы қабылданды. Оның ішінде 40 074 баланың ата-анасы қазақ тілінде білім беретін сыныпты таңдаған.
Түркістан облысындағы 951 мектептің ішінде 718 мектеп қазақ тілінде білім береді, орыс тілінде білім беретін 7 мектеп бар. Сондай-ақ облыс бойынша аралас тілді 226 мектеп жұмыс істейді.