Түркмен шекарасын абайсызда кескен 7 отандасымыз ұзақ мерзімге абақтыға қамады

Түркмен шекарасын абайсызда кесіп өткен Қазақстанның 7 азаматы ұзақ мерзімге абақтыға тоғытылды. Шекара бұзды, қару-жарақ тасымалдады  деп айыпталған отандастарымызды Сыртқы Істер министрлігі  құтқарып алмаққа талпынған. Тіпті қарсылық нотасын да жіберген еді. Алайда екіжақты келіссөздер нәтижесін бермеген сыңайлы.

Түрікмен соты ұсталғандардың алтауын -7 жылға, ал біреуін - 8 жылға бас бостандығынан айырған. Естеріңізге салсақ, 19 қазанда Маңғыстау облыстық көші-қон полициясының 4 қызметкері келімсектерді құрықтаймыз деп жолға шығып, кейін адасып қалған болатын. Жолшыбай 3 аңшыны кезіктіреді. Барлығы бірігіп бағыт сұрамақ боп әскерилерге жолығыпты. Сөйтсе жөн сұрауға барғандары Түркіменстанның «Гарабоғаз» Мемлекеттік шекарасының қызметкерлері екен. Сол жерде бәрінің қолына кісен салынған.