Солтүстік, Орталық Америка және Карибск бассейні елдері Футбол конфедерациясының бұрынғы президенті ФИФА вице-президенті Джек Уорнер, сондай-ақ Эдуардо Ли, Хулио Роча, Костас Таккас, Рафаэль Эскуивель, Хосе Мария Марин және Николя Леос тұтқындалды.
Спорт маркетингіне қатысы бар тағы да Алехандро Бурзако, Аарон Дэвидсон, Уго Джинкис және Мариано Джинкис тұтқындалғаны хабарланады. Олар заңсыз төлемге делдал болған деген болжам бар.
Сәрсенбіде ФИФА-ның бірқатар жоғарыда тұрған шенеуніктері Цюрихте сыбайлас жемқорлық жасады деген айыппен тұтқындалғаны белгілі болды. Оның ішінде алаяқтық, рекэт, ақша жымқыру қылмыстары да бар. Шенеуніктер Цюрих қонақүйіне қалада 29 мамырда өтетін ұйымның кезекті президентін сайлауды күтуге жиналған болатын.
