«Ржев-Вяземсксоғыс операциясы «Марс» құпия атауымен қалың жұртшылыққа аса белгілі емес, өйткені ұзақ жылдар бойы құпия сақталып келді, сол кездегі қырғын шайқастардың жаңа парақтары енді ашылып отыр. Мұражай халықаралық қатысумен федералдық деңгейде құрылады. Жоспарланып отырған экспозициялардың біреуі Қазақстанның жеңіске қосқан елеулі үлесіне арналады», — делінген СІМ-нің ақпаратында.
Қазақстан Республикасының Ресейдегі елшісі Зауытбек Тұрысбеков пен Тверь облысы губернаторының м.а. Андрей Шевелев «бұл жоба «Нұр Отан» және «Единая Россия» партияларының бақылауымен жүзеге асырылады».
Сондай-ақ, 22 маусымда – Ұлы Отан соғысының басталғанына 70 жыл толған күні – З. Тұрысбеков Тверь облысындағы Ржев қаласының мемориалдық кешенінде 1054 кеңестік жауынгер мен офицерлердің сүйектерін қайта жерлеу рәсіміне қатысты. «Рәсімге қатысқандар бауырластар зиратына, Алматы және Ақтөбе қалаларында жасақталған 100-ші және 101-ші жеке атқыш бригадаларының жауынгерлерінің мемориалына гүл қойды», — делінген ақпаратта.
Сондай-ақ, З.Тұрысбеков Ржевтегі №5 орта мектепте болды, оған биыл 100-ші және 101-ші атқыш бригадаларының аты берілген болатын. Елші мектеп басшылығына елшілік оқу мекемесіне мектепте қазақстандық жауынгерлердің Ржев жеріндегі батырлығына арналған мұражай құруда қолдау көрсететінін айтты.
