Бұл туралы Caravan.kz медиа порталы хабарлайды.
Анталья ауыр қылмыстар соты 18 жастағы қызға «туыстық қатынастағы адамды өлтіруге әрекет жасау» бабы бойынша үкім шығарды. Түркияның отбасы істері министрлігінің өкілдері оның ең қатаң жазаға тартылуын талап етті, өйткені олар оның қылмысты алдын ала жоспарлағанын айтқан. Екатерина Бурнашкина 2024 жылдың қазан айында Анталья әуежайының мүгедектерге арналған әжетханасында қызын дүниеге әкеліп, тастап кеткен. Сәбиді тазалаушы тауып алған.
Қызды және оның анасы Елена Бурнашкинаны төлқұжатты бақылау кезінде ұстады, олар Ресейге ұшып кетпекші болған. Бурнашкина құқық қорғау органдарына жауап беру кезінде жүкті екенін білмегенін айтқан.
Екатерина Бурнашкинаның қорғаушысы Айшегүл Кюбра Полат сот шешімімен келіспейтіндерін және апелляцияға беретінін мәлімдеді.
«Сотталушының анасы Елена ақталып, бостандыққа шықты. Ал қызы Екатерина болса 15 жылға сотталды. Мен бұл үкіммен келіспеймін. Біз Жоғарғы сотқа апелляция береміз. Бұл үкімді жоққа шығарамыз», — деп мәлімдеді қорғаушы.