Түркістан қаласы рухани астана болып танылған соң, алкогольге тыйым салынуы мүмкін, деп хабарлайды Caravan.kz медиа порталы.
Түркістанда алкоголь өнімдерін сатуға және тұтынуға тыйым салу сұрағы талқыланып жатыр. Бұл туралы Мәжіліс отырысында депутат Ардақ Назаров айтты.
Депутаттың пікірінше, Түркістан рухани астанамыз. Қалада көптеген мешіттер бар, сонымен қатар билер мен батырлардың зираттары орналасқан.
«Түркістан біздің рухани астанамыз. Бұл жерде ата-бабаларымыз жерленген. Ертең мұнда шетелдік қонақтар келіп, жергілікті тұрғындардың алкоголь ішіп отырғанан көрсе, бұл ұят», — деді Назаров.
Облыс әкімінің орынбасары Бейсенбай Тәжібаевтың айтуынша, бұл идеяны өңірдегі 30-дан астам ауыл қолдап отыр.