Бұл туралы Caravan.kz медиа порталы хабарлайды.
«Валя клип түсіру үшін Қазақстанға келді. Ең басты талабы — түсірілім алаңында бірде-бір қазақ болмауы керек екен. Елестетіп көріңізші: Қазақстанға келіп, жергілікті адамдарды алаңнан кетіруді сұрау — бұл ақымақтық», — деп бұрын ютуб авторы хабарлаған еді.
Валя Карнавал ютубердің бұл мәлімдемесін жоққа шығарды.
«Мен маған байланысты бір видеоны көрдім, онда бір адам менің бір жыл бұрын клип түсірген кезде Қазақстан командасына дұрыс қарамағанымды айтады. Мен сіздерге ашық айтайын: бұл — жалған, сандырақ, жала және арандатушылық. Қазақстандық жігіттермен жұмыс істегенімнен кейін менде керемет әсер қалды. Клип өте керемет, тамаша шықты. Адамдар өте мейірімді әрі қонақжай болды. Осындай жала үшін менің жаным ауырады. Сандыраққа сенбеңіздер, әйтпесе мен сотқа жүгінуге мәжбүр боламын» — деді Валя Карнавал видеоүндеуінде.
Видео осы сілтемеде: https://t.me/karnava1l/827