Апта сайын шығатын басылымның әр нөмірінде 11 пән бойынша 2 сабақтан беріледі. Олардың ішінде міндетті түрде тапсырылатын 4 пән және 7 пәннің арасында таңдалатын 1 пән көрсетілген.
Алғашқы саны қыркүйек айының бірінші аптасында жарық көрген журналдың сәуір айына дейін барлығы 32 нөмірі жарияланады.
Басылымда әр пән бойынша дәріс материалдарымен, практикалық сабақтармен және тест сұрақтарымен тұтас курста 64 сабақ берілген. Олар суреттермен, карталармен, сызбалармен безендірілген.
Журналды шығарушы «ERNUR-press» ЖШС басшыларының айтуынша, «Алтын белгі» журналы — Қазақстандағы бірегей басылым. Журналдың басты ерекшелігі, ондағы дәрістер мен тест тапсырмаларын дайындауға тек жоғары санатты кәсіби пән оқытушылары ғана емес, сонымен қатар психологтар да қатысқан. Олар тыңғылықты зерттеулер жүргізу нәтижесінде, баланың қабылдауына оңтайлы форматтарды таңдаған.
