Еш жерде жұмыс жасамайтын Э.Ш. мен Ә.Т. және № 2201 «Г» әскери бөлімінің 2-ші коменданттық взводының бөлімше командирі Т.К. ұйымдасқан топ құрып, Жайық-Каспий балық шаруашылығы бассейні бойынан аулауға тыйым салынған бекіре тұқымдас балықтарды аулап, уылдырығын өткізумен айналысып келген. Бұл туралы Атырау облыстық сотының баспасөз қызметі хабарлады.
Тергеу органдарымен оларға Қазақстан Республикасы Қылмыстық кодексінің 262 бабының 1 бөлігімен (ұйымдасқан топ, қылмыстық ұйым құру және оларға басшылық ету, сол сияқты оларға қатысу), 335 бабының 4 бөлігімен (балық ресурстарын, басқа да су жануарларын немесе өсімдіктерін заңсыз алу) , 196 бабының 4 бөлігімен (көрінеу қылмыстық жолмен табылған мүлікті иемдену немесе өткізу) айып тағылып отыр.
