Әңгімелесушілер әлемдік экономиканың жағдайын, қазақстандық экономиканы дамыту перспективасын, сондай-ақ Қазақстан Республикасы мен ЕҚДБ-нің ынтымақтастығы мәселесін талқылады.
Бұдан басқа, еліміздің экономикасын тұрақтандыру жөнінде Қазақстан Үкіметі қабылдаған шаралар туралы пікір алмасылды.
О. Декампа «бұл барлық проблемалық қырлары ескерілген, жан-жақты бағдарлама. Үкімет тек банктік секторды ғана емес, жалпы, өте маңызды, экономиканың нақты секторын да қолдауы мүмкін. Бұл бағдарлама қарастыратын тетіктер қазіргі жағдайға пара-пар. Біз үкіметтің дағдарысқа бағдарламасы жария етілетін 25 қарашада толық хабардар боламыз деп үміттенеміз» деп атап өтті.
Одан әрі ЕҚДБ-нің өкілі экономиканың нақты секторындағы қазақстандық жобаларға қолдау көрсетуге және сауда операцияларын қорландыруды, сондай-ақ айналымдағы қаражатты қаржыландыруды қамтамасыз етуге әзір екенін жеткізді.
«Мен инфрақұрылымды дамыту жөніндегі жобаны іске асыруды жалғастыру қажет деп ойлаймын. Сондықтан біз осы сектордағы, сондай-ақ энергетика саласындағы жобалар бойынша өзара белсенді әрекет етеміз»,- деді ол.
Кәрім Мәсімов пен Оливье Декампа табысты және тығыз ынтымақтастықтың жалғасатынына сенім білдірді.
Ақпаратты пайдаланған жағдайда «Казахстан Сегодня» ақпараттық агенттігіне сілтеме жасау міндетті
