Атап айтқанда, «Есіл» әуе-ғарыштық кешені жобасын іске асыруда МиГ-31 Д ұшағын пайдалану перспективасы қаралды.
Кездесу кезінде А.Федоров үкімет басшысын ұшақтың техникалық — пайдалану сипаттамасынан хабардар етті, сондай-ақ спутниктік жүйе рыногын дамыту перспективасы туралы өз көзқарасын білдіріп, осы ретте, «Есіл» жобасының аясында шағын спутниктерді ұшыру жөнінде Қазақстанмен ынтымақтастық жасаудың компания үшін үлкен ғылыми-техникалық қызығушылық туғызатынын атап өтті.
Премьер-министрдің айтуынша, ғарыштық қызметті дамытудың мемлекеттік бағдарламасын іске асыру үкімет жұмысының басым бағыттарының бірі болып табылады. Бұдан басқа, Даниал Ахметов «Есіл» коммерциялық жобасын жемісті іске асырудағы Қазақстанның қызығушылығы барын атап өтіп, техникалық-экономикалық негіздемені әзірлеу үшін әлемге танымал жетекші компаниялардың мамандарын тартудың маңыздылығына назар аударды.
i>Ақпаратты пайдаланған жағдайда Kazakhstan Today ақпараттық агенттігіне сілтеме жасау міндетті
