Үкімет басшысы сенат пен мәжіліс комитеттерінің төрағаларымен және мүшелерімен кездесті

"2006 жылға республикалық бюджет туралы" заң жобасын қараудың алдында премьер-министр Даниал Ахметов сенат пен мәжіліс комитеттерінің төрағаларымен және мүшелерімен консультациялар өткізді,- деп хабарлайды KZ-today тілшісіне үкіметтің баспасөз қызметі.

Консультация барысында бюджеттің негізгі көрсеткіштері егжей-тегжейлі талқыланды. Д.Ахметов парламент депутаттарын орталық атқарушы органдар 2006 жылы атқаратын міндеттер мен тапсырмалар туралы хабардар етіп, кейбір мемлекеттік және салалық бағдарламаларды қаржыландырудың қажеттілігін негіздеді.

Депутаттар сондай-ақ, 2006 жылғы бюджет жобасы туралы өз ойларымен бөлісті.