Жарияланды: 490

Үкімет еліміздің жүйе құрушы алты банкімен ипотекалық несиені және тұрғын үй секторын дамытуға бағытталған арнайы бағдарламаны жүзеге асыру шарттары жайында келісімге келді

Астана. 25 қараша. "Қазақстан Бүгін" - Үкімет еліміздің жүйе құрушы алты банкімен ипотекалық несиені және тұрғын үй секторын дамытуға бағытталған арнайы бағдарламаны жүзеге асыру шарттары жайында келісімге келді. Бұл туралы "Нұр Отан" ХДП-ның орталық аппаратында Тұрақтандыру шаралары жоспарының жобасы жайлы сөйлеген сөзінде үкімет басшысы Кәрім Мәсімов мәлімдеді, деп хабарлайды агенттік тілшісі.

Ол еліміздің жылжымайтын мүлік нарығындағы проблеманы шешу үшін үкімет ипотекалық несиені және тұрғын үй секторын дамытудың арнайы бағдарламасын іске қосуды жоспарлап отырғандығын айтты. "Бағдарламаның мақсаты - жылжымайтын мүлік нарығын және ипотеканы ынталандыру болып табылады. Алайда бұл бағдарлама тек тұрғын үй құрылысының аяқталмаған нысандарына, негізінен Алматы мен Астана қалаларындағы нысандарға қатысты әрекет ететін болады", деді премьер-министр. Бұл бағдарламаға жаңа талаптар бойынша бақылаудан және тексеруден өтетін, шығындардың бір бөлігін өз мойнына алуға дайын әрі тұрғын үйді әділетті бағамен сататын екінші деңгейлі банктер мен құрылыс салушы компаниялар қатыса алады. "Біз 6 жүйе құрушы банкпен консультациялар жүргіздік. Олар аталмыш бағдарламаның шарттарын қабылдады және үкіметпен алдағы уақытта бірлесіп жұмыс жасауға дайын екендерін білдірді", деді үкімет басшысы. Ақпаратты пайдаланған жағдайда "Казахстан Сегодня" ақпараттық агенттігіне сілтеме жасау міндетті

Пікір қалдырыңыз

Пікір қалдыру тіркелген пайдаланушылар ғана мүмкін