Үкіметке ғылымды дамыту бағыттарын айқындауға тапсырма берілді

Президент Нұрсұлтан Назарбаев отандық ғылымның қарқынды дамитынын атай отырып, үкіметке іргелі және қолданбалы ғылымды дамыту бағыттарын айқындауға тапсырма берді. Бүгін, 21-қарашада Астанада өткен үкіметтің кеңейтілген отырысында Елбасы осындай тапсырма берді,- деп хабарлайды KZ-today тілшісі.

«Отандық ғылымды дамыту бағыттары мен жалпы инновациялық жүйенің дамуы ел экономикасы мен болашағы бар кластерлік өндірістердің сұранысымен тығыз сабақтастырылуға тиіс»,- деді президент.

Н.Назарбаев отандық ғылымды дамыту бағыттары мен ғылыми іс-қызметті дамытудың таңдаулы моделіне байқау жариялауды ұсынып, бұл байқауды ұйымдастырып өткізуді вице-премьер Сауат Мыңбаевқа міндеттеді.