Бұл туралы Caravan.kz медиа порталы хабарлайды.
27 қаңтарда Алматы қаласының қылмыстық істер жөніндегі мамандандырылған ауданаралық сотында Арман Жұмагелдиев пен оның қарулы тобының басшыларына, сондай-ақ ҰҚК-нің 5-департаментінің бұрынғы басшысы Ықақов Русланға, Алматы қалалық мәслихатының экс-депутаты Құдайберген Қайратқа және басқа да тұлғаларға қатысты қылмыстық іс қаралып аяқталды.
Соттың анықтауы бойынша, 2016 жылы ҰҚК-нің 5-департаменті басшысының орынбасары болған Ысқақов Жұмагелдиевті Ұлттық қауіпсіздік органдары тарапынан қамқорлықа алуаға уәде етіп ынтымақтастыққа тартқан. Соттың мәліметінше, ҰҚК тарапынан қолдау алған Жұмагелдиев Қазақстан аумағында және одан тыс жерлерде қылмыстық ықпалын кеңейту үшін қылмыстық ұйым құра бастаған.
Жұмагелдиев қылмыстық ұйымының құрамына психологиялық тұрақтылығы жоғары, қылмыстық жауапкершіліктен қорықпайтын, сондай-ақ физикалық дайындығы мықты адамдарды тартқан. Ұйым мүшелері құрылымдық, функционалдық және аумақтық деңгейде бөлініп, тек Жұмагелдиевке бағынған.
Соттың мәліметінше, Ысқақов басқаратын ҰҚК бөлімшесі Жұмагелдиевтің ұйымына бәсекелес болған бірнеше қылмыстық топты жойған. Бірақ Ысқақовтың тарапынан Жұмагелдиев тобының заңсыз әрекеттерін тоқтату шаралары қабылданбаған.
2017 жылдың желтоқсанынан бастап Жұмагелдиев Түркия Республикасында отырып, өз тобының қызметін қашықтан басқарған. Ол Қазақстан, Түркия және БАӘ аумағында құрылым басшылары мен мүшелерінің жиындарын өткізген. Ұйымның басты мақсаты — ықпал ету аясын кеңейту және қаржылық түсімдерді қамтамасыз ету болған.
Тәртіпсіздіктерді ұйымдастыру және жаппай ұрлау әрекеттері
Соттың дерегі бойынша, 2022 жылдың басында Ысқақов, Жұмагелдиев және Құдайберген билікті күшпен басып алу мақсатында жаппай тәртіпсіздіктердің негізгі ұйымдастырушысы болған. Осы мақсатта Жұмагелдиев 2021 жылдың желтоқсанында Қазақстанға келген.
2022 жылдың 5 қаңтарында Жұмагелдиев тобы Республика алаңында екі рет шығып, жиналған топтарды біріктіріп, билікке талап қою үшін «Халық кеңесі» түріндегі конституциялық емес орган құруды көздеген.
Сонымен қатар, Құдайберген қонақүйде штаб ұйымдастырып, спортшылар мен басқа адамдарды жинап, Жұмагелдиев тобына қосылуға әрекет жасаған.
Қылмыстық топтың әрекеттері
Қаңтардың 6-сы мен 7-сі күндері Жұмагелдиев тобы азаматтарды қонақүйлерде күштеп ұстап, оларды соққыға жығып, қорлап, ұрланған мүліктерді мойындауға мәжбүрлеген. Мысалы, «The Ritz Carlton Almaty» қонақүйінің жанында топ мүшелері азаматтарды мәжбүрлі түрде ұстап, мүлкін тартып алып, соққыға жыққан.
Сот Жұмагелдиев пен оның жақтастарының «тәртіп орнату» әрекеттерін қылмыстардың ізін жасыру мақсатында жасалған әрекет деп тапты.
Сот шешімі
Арман Жұмагелдиев ҚР ҚК 262-бабы 1-бөлігі, 268-бабы 1-бөлігі, 272-бабы 1 және 2-бөліктері, 28-бабы 3-бөлігі, 125-бабы 3-бөлігі бойынша кінәлі деп танылып, 20 жылға бас бостандығынан айырылды.
Руслан Ысқақов 15,6 жылға, ал Қайрат Құдайберген 8 жылға бас бостандығынан айырылды.
Қылмыстық топтың басқа мүшелеріне 10-15,5 жыл, ал топқа кірмеген тәртіпсіздік қатысушыларына 1,5-7 жыл аралығында жаза тағайындалды.
Сот үкімі әлі заңды күшіне енген жоқ.