Бұл туралы Caravan.kz медиа порталы Sputnik.kz-ке сілтеме жасап хабарлайды.
АҚШ президенті Дональд Трамп Украина төңірегіндегі жағдай енді үшінші дүниежүзілік соғысқа қауіп төндірмейді деп мәлімдеді
«Менің ойымша, егер Камала Харрис немесе Джо Байден президент болғанда, Украинадағы қарулы қақтығыс үшінші дүниежүзілік соғыспен аяқталуы мүмкін еді. Біз қақтығыстың аяқталғанын қалаймыз, бірақ үшінші дүниежүзілік соғыс болмайды…. Жағдай өте нашар болды, әлі де солай, бірақ менің ойымша, ол енді соншалықты нашар емес», — деді Трамп Швейцарияның Давос қаласындағы Дүниежүзілік экономикалық форумда сөйлеген сөзінде.
АҚШ президенті Украинадағы қақтығыстың қысқа мерзімде шешілуіне қол жеткізуге болатынына сенім білдірді.
«Менің ойымша, біз Украина бойынша бейбітшілік келісіміне жақынбыз деп айта аламын. Бірақ көбінесе Ресеймен келісімге келсек, Зеленский оны орындамайды», — деді Трамп.
Дональд Трамп Украина төңірегіндегі жағдай екі тарап келісімге келе алатын деңгейге жеткенін мәлімдеді.