Украиналық кәсіпкерлер ТұранӘлемБанкімен ынтымақтастыққа әзір

"ТұранӘлемБанкі" АҚ, Украинадағы Қазақстан елшілігі мен Украинаның халықаралық ынтымақтастық орталығы бірлесе ұйымдастырған "Қазақстанмен сауда-саттық" атты форумда Украиналық экспорттаушы компаниялар ТұранӘлемБанкінің қаржыландыру саласындағы өнімдеріне айрықша қызығушылық танытты. Бұл туралы KZ-today тілшісіне банктің Киевтегі өкілдігінің төрайымы Светлана Бердалиеваға сілтеме жасай отырып "ТұранӘлемБанкі" АҚ-ның баспасөз қызметі хабарлады.

«Алдағы уақытта Киевтегі өкілдік орта кәсіпкерлікпен шұғылданатын жергілікті компаниялардың басшыларымен дербес кездесулер өткізуді көздеп отыр»,- дейді баспасөз қызметі. Украиналық банктер өз клиенттеріне сауда-саттықты қаржыландыру өнімдерін мүлдем ұсынбайтын көрінеді. ТұранӘлемБанкі осы саладағы сұраныс туралы жергілікті кәсіпкерлермен бірлесе талқыламақшы.