Кешегі сауданың өзінде банк 58 миллион доллар сатып алған. Екінші орында 47 миллион 600 мың доллармен «Қазақ банкі». Алғашқы үштікте «Халық банкіне» тиесілі «Алтын банк» те бар. Екеуінің табысын қосқанда олар иеленген валюта 105 миллионнан асып отыр. Доллар өсімінен жалпы 24 банк ұтқан. Тізімді жариялағаны болмаса, биржадағы сауданы қыздырып, долларды қасақана қымбаттатқан алыпсатарларға әзірге Ұлттық Банк ешқандай шара қолданбады. Негізі, биржа ойыншылары бұрын-соңды бұлай әшкере болған емес. Содан болар, бас банктің бұл қылығына екінші денгейлі банк басшылары қапалы.
Ертай Сәлімов, «Қазақстан Халық банкі» басқарма төрағасының орынбасары:
— Банки не спекулируют… Банктер алыпсатарлықпен айналыспайды. Ұлттық Банк мәліметті толық көрсетпеген. Тек биржадағы саудадан бертін ғана ақпаратты таратып отыр. Біздер тек клиенттеріміздің талабын орындадық. Бұл ешқандай да шектен шығу емес.
