Бұл туралы Caravan.kz медиа порталы Tengrinews.kz-ке сілтеме жасап хабарлайды.
Оның айтуынша, қазіргі таңда медициналық орталықтағы жағдай бақылауға алынған.
"Ұлттық ғылыми медициналық орталығында қызметкерлер арасында коронавирус жұқтырудың 40 дерегі тіркелді. Зерттеу профилактикалық мақсатта жүргізілді. Жағдайы ауыр науқастар тіркелген жоқ. Эпидемиологиялық шаралар жүргізіліп жатыр", — деді ол орталық коммуникациялар қызметінде өткен брифингте.
Сондай-ақ, Жанна Пірәлиева бүгінде індет жұқтырған медицина қызметкерлері үйдегі карантинде екенін атап өтті.
"40 маман үйдегі карантинде жатыр. Олардан індеттің симптомы байқалған жоқ", — деді Нұр-Сұлтан қаласының бас санитар дәрігері.