Қаңтардың 11-і күні Октябрь Жарылғапов атындағы спорт кешенінде жалауын көтерген бұл жарыста Алматы облысының «Жетісу» командасы барлық қарсыластарын 3:0 есебімен ойсырата ұтып, ұпай қорын 20-ға жеткізді. Олар бірінші турда да 10 ұпай жинап, турнир кестесінде көш бастаған болатын. Ал үздік үштіктегі Қарағанды облысының «Қарағанды» және Павлодар облысының «Ертіс-Қазхром» командалары бұл жолы орын алмастырды. Сондай-ақ алғашқы турда 4-5 орынды бөліскен «Алматы» мен Астана» командалары да орын алмастырды. Әзірге турнир кестесіндегі көшбасшы («Жетісу») мен соңғы сатыдағы Теміртаудың «Металлург АМТ» командалары өз орындарын сақтап келе жатыр. Қазір «Жетісуда» — 20, Ертіс-Қазхромда» -17, «Қарағандыда» — 15, «Астана» мен Алматыда — 14, ал «Металург АМТ-да» — 10 ұпай бар. Ел чемпионатының 3-тур ойындары енді 7-13 ақпанда Павлодарда өтетін болады.
