Онда барлық қарсыласынан басым түскен «Алматы» волейбол клубы 28 ұпаймен турнир кестесіндегі көшбасшылықты сақтап қалды. Бастапқы кездесулерде негізгі бәсекелестерін ойсырата ұтқан олар соңғы 2 кездесуді 3:2 есебімен аяқтап, қарсыластарымен ұпай бөлісті.
Жарыс қорытындысында 21 ұпаймен Хромтаудың «ТНК «Қазхромы» мен 16 ұпаймен Өскеменнің «Шығыс-ҚорғасынҚұрылысы» үздік үштікте келе жатыр. Турнир кестесінің екінші жартысындағылардың қоржынында «Атырауда» — 12, жарыс қожайындарының «Есілінде» — 10, ал Оралдың «Конденсатында» — 3 ұпай бар. Ел чемпионатының 3-тур ойындары енді 12-17 қаңтарда Өскеменде жалғасады.
