“Полигон аумағында ядролық жарылыстар кезінде тритий түзілген. Ол сутегін алмастырып, сумен бірге алыс қашықтықтарға дейін жетеді. Қазір біз осы бағыттағы зерттеуледі жалғастырып жатырмыз”,- деді Қ.Қадіржанов.
Бұдан бұрын да хабарлағанымыздай, тритий алғаш рет осыдан бірнеше жыл бұрын Дегелең аумағынын тысқары Қаражал кеніші ұңғыларынан табылған.
Сутегінің радиоактивті изотопы болып табылатын тритий термоядролық синтездік реакцияларда маңызды компонент ретінде, термоядролық бомбаларда жанармай ретінде, сондай-ақ, химиялық, биологиялық және гидрологиялық зерттеулерде қолданылады.
