Алматыда өтіп жатқан Универсиада ойындарында Қазақстан спортшылары 2 медаль ұтып алды, деп хабарлайды ҚазАқпарат.
Қыздар арасында фристайл-акробатикадан жарыс жолына шыққан жерлесіміз Жібек Арапбаева 60-84 ұпаймен екінші орынға табан тіреді. Ал 60-48 ұпай жинаған тағы бір спортшымыз Жанбота Алдабергеноваға қола медаль бұйырды. Бас жүлде қытайлық Чжу Иньиньнің қанжығасын майлады.
Айта кетейік, бұған дейін 5 шақырымдық классикалық стильдегі шаңғы жарысында жерлесіміз Анна Шевченко үшінші орын алғанын хабарлаған едік.
