Ұшақ ішіндегі қосымша тексерулер салдарынан Атырауда Амстердамға бет алған Боинг 3 сағатқа кідірді

"Эйр Астана" әуе компаниясына қарасты "Боинг-757" ұшағының ішіндегі қосымша тексерулер салдарынан Атырау әуежайында Алматы-Атырау-Амстердам бағытындағы №889 рейстің ұшағы 3 сағатқа кідіртілді,- деп хабарлайды KZ-today тілшісі ҚР төтенше жағдайлар министрлігіне сілтеме жасап.

Министрліктің түсініктемесіне сәйкес, ұшақта қосымша тексерулер жүргізуге борт ішінен белгісіз химиялық заттың иісі аңқуы себепкер болған. Ұшақтың жүк қоятын бөлігіне жүргізілген тексеру кезінде иіс формалині бар 500 мл-лік әйнек ыдыстан шыққаны анықталды. «NEDRA»консалтингтік орталығы» ЖШС-нің қызметкеріне қарасты ыдыс сынып қалған екен.