V шақырылымдағы парламенттің алғашқы тыңдаулары баспана мәселелеріне арналады

Бұл туралы мәжіліс депутаты Дариға Назарбаева мәлім етті. Мәжілістің уақытша арнайы комиссиясының Астанада тұрғын үй-коммуналдық шаруашылықты жаңғырту бағдарламасы бойынша жөндеуден өткен көппәтерлі тұрғын үйді аралау барысында өткен көшпелі отырысында ол: «Желтоқсанның 7-сінде біздің комитет қазақстандықтарды баспанамен қамтамасыз ету мәселелеріне арналған парламенттік тыңдаулар өткізуге дайындалып жатыр. Менің атыма келген екі мыңға жуық хаттың шамамен 80 пайызы дәлі осы тұрғын үй мәселесінен арналған. Бір бір жылдан бері осыбағытта жұмыс істеп жатырмыз», - деді. «Сондықтан да біз алғашқы тыңдауларды дәл осы баспана мәселесіне арнауды жөн көрдік», - деп қосты депутат.